15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Ուկրաինան հայտարարել է ռուսական բալիստիկ հրթիռների հարվածների սպառնալիքի մասին
Քաղաքականություն
02.08.2023 | 10:40
Այս գիշեր Ռուսաստանը անօդաչու թռչող սարքեր է արձակել Ուկրաինայի թիրախների ուղղությամբ․ գրում է BBC– ի ռուսական ծառայությունը: Երկրի հյուսիսային, արևելյան և կենտրոնական մի քանի շրջաններում, ինչպես նաև Օդեսայի մարզում օդային տագնապ է հայտարարվել։
Ուկրաինական մոնիթորինգային ալիքները հայտնել են Օդեսայի շրջանի հարավում՝ Դանուբի ուկրաինական նավահանգիստներում պայթյունների մասին։ Օդեսայի շրջանային վարչակազմի ղեկավար Օլեգ Կիպերը հայտնել է, որ Դանուբի նավահանգիստներին անօդաչու սարքերով ռուսական հարվածի հետևանքով հրդեհներ են բռնկվել, տուժածների մասին տեղեկությունններ չկան։
Telegram-ի ուկրաինական ալիքներն էլ հայտնել են, որ Կիևում պայթյուններ են լսվում․ հաղորդվում է, որ դրանք հակաօդային պաշտպանության միջոցների կրակոցներն են կամիկաձե անօդաչու թռչող սարքերի ուղղությամբ։
Բացի այդ, Ուկրաինայի ռազմաօդային ուժերը հայտարարել է Խարկովի, Դնեպրոպետրովսկի և Զապորոժիեի շրջանների ուղղությամբ բալիստիկ հրթիռների հարվածների սպառնալիքի մասին։
