15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Վրաստանում ռուս զբոսաշրջիկների դեմ բողոքի ցույցերի ժամանակ երկու ուկրաինացի է ձերբակալվել
Քաղաքականություն
01.08.2023 | 21:20
Ռուսաստանից զբոսաշրջիկներով «Astoria Grande» զբոսաշրջային նավի՝ Բաթումի ժամանելու դեմ բողոքի ցույցի ժամանակ ձերբակալվել են Ուկրաինայի երկու քաղաքացիներ։ Այս մասին «Ազատություն» ռադիոկայանի վրացական ծառայությանը հայտնել է Վրաստանի երիտասարդ իրավաբանների ասոցիացիայի Աջարիայի մասնաճյուղի ղեկավար Թակո Ծուլուկիձեն։
Հայտնի է դարձել, որ հուլիսի 31-ին Բաթումիում ձերբակալվածների թվում է նաև Ուկրաինայի քաղաքացի Դմիտրի Զակրևսկին։ Նրա գտնվելու վայրը դեռևս հայտնի չէ։
Նշվում է, որ նախկինում կալանավորված Ուկրաինայի քաղաքացի Մարինա Չոբանյանին տեղափոխել են Օզուրգեթիի ժամանակավոր պահման վայր։ Այնտեղ նա հիվանդացել է, աղջկան որոշ ժամանակով տեղափոխել են տեղի հիվանդանոց, իսկ հետո վերադարձրել մեկուսարան։
Վրաստանի ՆԳՆ-ի տվյալներով՝ Բաթումիի ցույցի ժամանակ բոլոր բերման ենթարկվածները մեղադրվում են մանր խուլիգանության և ոստիկանությանը չենթարկվելու համար։
Հավելենք, որ «Astoria Grande» նավը ՌԴ Սոչի քաղաքից ժամանել է Վրաստանի Բաթումի։ Նավի ժամանումն առաջացրել է վրացական ընդդիմության և ակտիվիստների բողոքը։ Ոստիկանությունը բերման է ենթարկել ցուցարարներին։
