16.05.2026 | 11:00
Դեսպան Նարեկ Մկրտչյանը հանդիպել է The James Madison Institute-ի փոխնախագահի հետ
Սի Ցզինպինն անսպասելիորեն փոխել է Չինաստանի միջուկային ուժերի հրամանատարությանը
Քաղաքականություն
01.08.2023 | 18:30
Չինաստանում երկրի միջուկային ուժերի հրամանատարության երկու բարձրաստիճան սպա պաշտոնանկ են արվել։
BBC-ի ռուսական ծառայությունը գրում է, որ Ժողովրդական ազատագրական բանակի հրթիռային ուժերի ղեկավար, գեներալ Լի Յուչաոն և նրա տեղակալ Լյու Գուանգբինը մի քանի ամիս չէին հայտնվում հանրության առաջ։ Հայտնի է դարձել, որ նրանց փոխարինել են Վան Հոուբինգը, որը նախկինում զբաղեցնում էր նավատորմի պետի տեղակալի պաշտոնը, և կուսակցության կենտրոնական կոմիտեի անդամ Սյու Սիշենգը։
Ամռան սկզբին նույնքան անհասկանալի կերպով տեսադաշտից անհետացավ երկրի արտաքին գործերի նախարար Ցին Գանը։ Նա մեկ ամիս չերևաց հանրությանը, իսկ մի քանի շաբաթ անց հայտարարվեց, որ նրա փոխարեն նշանակվել է Վան Ին։ Ցին Գանի հրաժարականի պատճառներն այդպես էլ չբացատրվեցին։
Սա Չինաստանի ռազմական ղեկավարության ամենամեծ չպլանավորված վերադասավորումն է վերջին տասնամյակում: Վերլուծաբանները ենթադրում են, որ խոսքը բանակի շարքերում սկսված «զտումների» մասին է։
