14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Իրավապաշտպանների տվյալներով՝ Ադրբեջանում 200-ից ավելի քաղբանտարկյալ կա
Քաղաքականություն
01.08.2023 | 22:22
Ադրբեջանի քաղբանտարկյալների ազատության միությունը հրապարակել է թարմացված ցուցակ, որում ներառված է 204 անձ։ Իրավապաշտպան կառույցի նախորդ ցուցակը հրապարակվել էր ապրիլի 20-ին, որում ներառված էր 182 անուն։ Ցուցակից 12-ը դուրս են մնացել, որոնք ներառվել են մայիսին տեղի ունեցած համաներման ցանկում։
Միաժամանակ, ցուցակը համալրել է 34 նոր անուն։ Նրանց թվում են ընդդիմադիր քաղաքական գործիչ, Ադրբեջանի «ժողովրդավարություն և բարեկեցություն» կուսակցության նախագահ Գուբադ Իբադօղլուն, նախկին պատգամավոր, հասարակական գործիչ և գործարար Նազիմ Բեյդեմիրլին, Ադրբեջանի Ժողովրդական ճակատ կուսակցության անդամ Էլխան Ալիևը։ Մյուսներն ապրիլ-հուլիսին թմրանյութերի ապօրինի շրջանառության մեղադրանքով ձերբակալված հավատացյալներն են։ Նրանց ընդհանուր թիվը հասել է 147-ի։
204 քաղբանտարկյալները բաժանված են 7 խմբի։ Առաջինում լրագրողներն ու բլոգերներն են․ այստեղ ընդգրկված է հինգ մարդ։ Ընդդիմադիր կուսակցությունների և շարժումների խմբում առկա է 7 մարդ, Գերմանիայից արտաքսված քաղաքական էմիգրանտների խմբում՝ 5 անձ։ Ձերբակալված հավատացյալնեի թիվը հասել է 147-ի, Տերտերի ու Գանձակի գործերով շարունակում է մնալ, համապատասխանաբար, 7 և 22 անձ, ևս 11 քաղբանտարկյալ ցմահ ազատազրկման է դատապարտված։
Հավելենք, որ ցուցակը կազմվում է Խաղաղության և ժողովրդավարության ինստիտուտի ու Քաղբանտարկյալների մոնիթորինգի կենտրոնի կողմից 2018 թվականի նոյեմբերից։
Էմմա Չոբանյան
