25.02.2026 | 21:42
Ադրբեջանի կառավարական աղբյուրները պնդում են, թե Վաշինգտոնում Ալիևի դեմ բողոքի ցույցերի հետևում կանգնած է Ռուսաստանը
Ուկրաինայի հարավում կատաղի մարտերը շարունակվում են երկու հատվածներում․ բրիտանական հետախուզություն
Քաղաքականություն
01.08.2023 | 17:07
Ուկրաինայի հարավում կատաղի մարտերը շարունակվում են երկու հատվածներում, Օրեխովոյից հարավ ուկրաինական զորքերը հարձակվում են Ռուսաստանի 58-րդ համակցված բանակի վրա։ Այս մասին ասվում է Մեծ Բրիտանիայի ռազմական հետախուզության ամենօրյա զեկույցում, փոխանցում է BBC-ի ռուսական ծառայությունը։
58-րդ բանակը, ամենայն հավանականությամբ, զգում է առաջադեմ ստորաբաժանումների հոգնածությունն ու հյուծվածությունը, որոնք ավելի քան ութ շաբաթ գտնվում են ինտենսիվ մարտերի մեջ:
Բրիտանական հետախուզությունը կարծում է, որ Վելիկայա Նովոսյոլկայից հարավ Ռուսաստանը պաշտպանության համար զորքեր է կուտակում ինչպես արևելյան, այնպես էլ հարավային ռազմական շրջաններից, ինչը, հավանաբար, կստեղծի համակարգման խնդիրներ:
5-րդ համակցված բանակի ստորաբաժանումները, հավանաբար, գտնվում են մեծ ճնշման տակ, նաև զգում են, որ վաղուց առաջնագծից ռոտացիայի ժամանակն է։ Հարավում ռուսական հրամանատարության ընդհանուր խնդիրներն են, ամենայն հավանականությամբ, հրետանային զինամթերքի, ռեզերվների և պաշտպանվող ստորաբաժանումների թևերի ապահովման հետ կապված խնդիրները, ասվում է բրիտանական հետախուզության զեկույցում։
