07.10.2026 | 20:54
Թուրքիան Սաուդյան Արաբիային տեխնիկական և պաշտպանական աջակցություն է ուղարկում՝ հութիների դեմ պայքարում օգնելու համար․ Reuters
Տարեսկզբից Ադրբեջանի բանակը 40-ից ավելի զինծառայողի կորուստ է ունեցել
Քաղաքականություն
01.08.2023 | 23:16
2023 թվականի հունվարից Ադրբեջանի պաշտպանական ոլորտում կորուստների թիվը 44 է։ Այս մասին ասվում է Կասպյան պաշտպանական հետազոտությունների ինստիտուտի (CDSI – Caspian Institute of Military Studies) զեկույցում։
Ինստիտուտի տվյալներով՝ 9 զինծառայող զոհվել է մարտական պայմաններում, այդ թվում՝ 7-ը՝ հայկական կողմի կրակի, 2-ը՝ ականի վրա պայթելու հետևանքով։ Մնացած 35 զինծառայողները մահացել են ոչ մարտական իրավիճակում, այդ թվում՝ 4-ը՝ ճանապարհատրանսպորտային պատահարից, 7-ը՝ տարբեր հիվանդություններից, 2-ը՝ զինված հարձակումից, 1-ը՝ ոչ կանոնադրական հարաբերություններից, 1-ը՝ անզգուշությունից, 3-ը՝ դժբախտ պատահարներից։ Եվս 17 զինծառայող ինքնասպան է եղել։
Ինստիտուտը նաև հայտնում է առնվազն 9 վիրավորի մասին, մեծ մասը՝ մարտական գործողությունների արդյունքում։
Կասպյան պաշտպանական հետազոտությունների ինստիտուտն Ադրբեջանի Զինված ուժերի կորուստները դիտարկում է 2003 թվականից, և այդ ընթացքում կորուստները կազմել են 4,463 զինծառայող, այդ թվում՝ 3,582ճը՝ մարտական և 881-ը՝ ոչ մարտական։ Վիրավորների թիվը կազմում է 13,000։
Ավելի վաղ ինստիտուտը հայտնել էր, որ 2022 թվականին Ադրբեջանը կորցրել է առնվազն 145 զինծառայողի, որոնցից 87-ը՝ մարտական, 58-ը՝ ոչ մարտական կորուստներ են։
Էմմա Չոբանյան
