06.08.2026 | 09:38
ՀՀ տարածքում ավտոճանապարհներն անցանելի են
Ռոստովյան և Աթոյան փողոցների խաչմերուկում ավտոմեքենան գլխիվայր շրջվել է. կա տուժած
30.07.2023 | 21:43
Հուլիսի 30-ին, ժամը 15:23-ին Ճգնաժամային կառավարման ազգային կենտրոն ահազանգ է ստացվել, որ Երևանի Ռոստովյան և Աթոյան փողոցների խաչմերուկում տեղի է ունեցել ՃՏՊ՝ բախվել են ավտոմեքենաներ, կա տուժած․ անհրաժեշտ է փրկարարների օգնությունը: Հայտնում են ՆԳՆ փրկարար ծառայությունից:
Դեպքի վայր է մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են «Nissan» (վարորդ՝ Հ․ Ո․) և «Chevrolet» (վարորդ` Կ. Բ.) մակնիշների ավտոմեքենաները․ վերջինս գլխիվայր շրջվել է, կա տուժած, առկա է վառելիքի և ավտոյուղի արտահոսք:
Մինչ փրկարարների կանչի վայր հասնելը՝ «Nissan» մակնիշի ավտոմեքենայի ուղևոր Ա․ Ո․-ն հոսպիտալացվել է «Էրեբունի» ԲԿ:
Փրկարարները հոսանքազրկել են ավտոմեքենաները, փակել գազի բալոնների փականները, սահմանազատել տարածքը, կատարել ճանապարհի լվացման աշխատանքներ և իրականացրել հերթապահություն՝ մինչ «Chevrolet» մակնիշի ավտոմեքենան ուղղելու համար համապատասխան տեխնիկայի մոտենալը:
