07.10.2026 | 23:48
Արթուր Դանիելյանը կալանավորվեց
Լեհաստանի իշխանությունները մտադիր են կրկնապատկել բանակի թվաքանակը
Քաղաքականություն
28.07.2023 | 20:35
Լեհաստանում մտադիր են գրեթե կրկնապատկել բանակի թվաքանակը։ BBC-ի ռուսական ծառայության փոխանցմամբ՝ համապատասխան փաստաթուղթն արդեն ստորագրվել է։
«Կարող եմ ասել, որ այսօր լեհական բանակն ունի 172.000 զինվոր։ Խոսքս այստեղ բոլոր աշխատողների մասին է՝ մասնագիտական և տարածքային պաշտպանության։ Մեր նպատակն է, որ լեհական բանակը ունենա առնվազն 300.000 զինվոր։ Մենք հետևողականորեն իրականացնում ենք այդ նպատակը»,- ասել է պաշտպանության նախարար Մարիուշ Բլաշակը:
Նախատեսվում է, որ լեհական բանակում դիվիզիաների թիվը 4-ից կավելանա և կհասցվի 6-ի, իսկ պաշտպանության ծախսերը կհասնեն ՀՆԱ-ի 4%-ին։
Ինչպես հաղորդում է Reuters-ը, հուլիսի 19-ին Լեհաստանը որոշել է իր զորքերը վերաբաշխել դեպի արևելյան սահման այն բանից հետո, երբ Բելառուսում հայտնվեցին «Վագներ» ռազմականացված խմբավորման վարձկանների ճամբարներ։ «Անկասկած, եթե «Վագներ» խմբի մասնակցությամբ լուրջ միջադեպ տեղի ունենա ՆԱՏՕ-ի և ԵՄ-ի երկրների սահմաններում, ինչպիսիք են Լեհաստանը, Լիտվան կամ Լատվիան, մենք, անկասկած, համատեղ գործողություններ կձեռնարկենք»,- այդ ժամանակ հայտարարել էր Լեհաստանի ՆԳ նախարար Մարիուշ Կամինսկին:
