07.10.2026 | 23:48
Արթուր Դանիելյանը կալանավորվեց
Թուրքիան և Իտալիան համատեղ հայտ են ներկայացրել Եվրո-2032-ի անցկացման համար
Քաղաքականություն
28.07.2023 | 17:42
Եվրոպական ֆուտբոլային ասոցիացիաների միությունը (ՈՒԵՖԱ) իր պաշտոնական կայքում հայտնել է, որ Իտալիայի ֆուտբոլի ֆեդերացիան (FIGC) և Թուրքիայի ֆուտբոլի ֆեդերացիան (TFF) համատեղ հայտ են ներկայացրել 2032 թվականի Եվրոպայի առաջնությունն ընդունելու համար։ Անհատական հայտերը միավորելու խնդրանքը եկել է երկու ազգային ֆեդերացիաներից:
Ավելի վաղ Թուրքիան փորձել էր նվաճել երկու Եվրոներից մեկի անցկացման իրավունքը՝ 2028 կամ 2032 թվականներին։ Իտալիան միայն 2032 թվականի Եվրոպայի առաջնությունն ընդունելու հայտ է ներկայացրել:
Թուրքիայի ֆեդերացիան հայտնում է, որ եթե համատեղ հայտը ՈՒԵՖԱ-ի հավանության արժանանա, ապա հանդիպումները կանցկացվեն ավելի վաղ համաձայնեցված մարզադաշտերում։ Հանդիպումները հավասարապես կբաշխվեն երկու երկրների միջև։
Ըստ թուրքական ֆեդերացիայի ղեկավար Մեհմեդ Բույուքեքշիի՝ այս որոշումը կարևոր է ոչ միայն Թուրքիայի, այլև Եվրոպայի համար։
