06.08.2026 | 11:24
Կարեն Խաչանովը պարտությամբ է մեկնարկել Մոնրեալի «Մասթերսում»
Թուրքիայում ույղուրները ակցիայով իրենց բողոքն են հայտնել Չինաստանի ԱԳ նախարարի այցի դեմ
28.07.2023 | 23:12
Մի քանի տասնյակ ույղուրներ հավաքվել են Ստամբուլում Չինաստանի հյուպատոսության առջև՝ բողոքելով Չինաստանի արտգործնախարար Վան Իի այցի դեմ Թուրքիա։ Նրանք դատապարտել են շարունակվող հալածանքները, որոնց իրենց ժողովուրդը ենթարկվում է Չինաստանի Սինցզյան շրջանում, գրում է stockholmcf.org-ը։
Ույղուրները վանկարկել են «Ֆաշիստական Չինաստան, դադարեցրեք ույղուրների ցեղասպանությունը» և «Թուրքիա, պաշտպանիր քո եղբայրներին» կարգախոսները: Թուրքիայի ույղուրական կազմակերպությունները նաև համատեղ հայտարարություն են տարածել՝ կոչ անելով թուրքական իշխանություններին ճանաչել և արձագանքել այն, ինչ նրանք որակում են որպես «ցեղասպանություն և մարդկության դեմ հանցագործություն»:
Հավելենք,որ երկու երկրների ԱԳՆ նախարարների հանդիպումը հիմնականում կենտրոնացած է եղել տնտեսական համագործակցության վրա, այդ թվում չինական «Մեկ գոտի, մեկ ճանապարհ» համատեքստում։ Բանակցություններին անդրադարձ է եղել նաև չինական ընկերությունների Թուրքիայում ներդրումներ կատարելու,ավելի շատ թուրքական ապրանքներ ներկրելու և երկու երկրների ձեռնարկություններին աջակցելու, տեղական արժույթի օգտագործման հարցերին։
