06.08.2026 | 12:30
Ի՞նչ տարբերություն, թե երբ կհրապարակվի Սահամանադրության տեքստը․ Սրբուհի Գալյան. ՏԵՍԱՆՅՈՒԹ
Ադրբեջանը Թուրքիայի հետ հինգերորդ սերնդի KAAN կործանիչի մշակման փաստաթուղթ է ստորագրել
28.07.2023 | 23:30
Ադրբեջանի պաշտպանական արդյունաբերության նախարարությունը և Թուրքիայի օդատիեզերական ընկերությունը՝ TUSAS-ը, ստորագրել են թուրքական KAAN կործանիչների նախագծի շուրջ համագործակցության արձանագրություն,գրում են ադրբեջանական լրատվամիջոցները։
Փաստաթուղթը ստորագրել են Ադրբեջանի պաշտպանական արդյունաբերության նախարար Մադաթ Գուլիևը, թուրքական կողմից TUSAS-ի գլխավոր տնօրեն Թեմել Քոթիլը, Թուրքիայի նախագահականին կից պաշտպանական արդյունաբերության վարչության ղեկավար Հալուք Գյուրգունը։ Ըստ փաստաթղթի՝ կործանիչների արտադրության շրջանակներում նախատեսվում է ինժեներների վերապատրաստում։
Գուլիևը լրագրողների հետ զրույցում հայտարարել է, որ Ադրբեջանն առաջիկայում 200 երիտասարդի է ուղարկելու Թուրքիա՝ մասնակցելու KAAN ազգային մարտական ինքնաթիռների նախագծին։
Հինգերորդ սերնդի թուրքական Kaan կործանիչը ստեղծվել է 2017 թվականից։ Նախատեսվում է, որ այն առաջին թռիչքը կիրականացնի այս տարի, իսկ զանգվածային արտադրությունը կսկսվի 2028 թվականին։
Հիշեցնենք, որ ավելի վաղ էլ Ադրբեջանի Պաշտպանության նախարարության և թուրքական TUSAŞ ընկերության միջև ստորագրվել էր ադրբեջանական ԶՈՒ-ի Սու-25 կործանիչների արդիականացման համաձայնագիր։
