11.01.2025 | 12:34
Խաչատրյանի անվան 21-րդ միջազգային մրցույթը կանցկացվի «դիրիժորություն» մասնագիտությամբ
ՌԴ-ում զորակոչային տարիքը բարձրացվեց․ Դաշնային խորհուրդը հավանություն է տվել օրենքի նախագծին
Քաղաքականություն
28.07.2023 | 13:44
Ռուսաստանի խորհրդարանի վերին պալատը կողմ է քվեարկել Պետդումայի կողմից այս շաբաթվա սկզբին ընդունված «Զինվորական ծառայության տարիքի մասին» օրենքի նախագծին, գրում է BBC-ի ռուսական ծառայությունը։ Կողմ է քվեարկել 159 սենատոր, մեկը՝ ձեռնպահ։
Նախագծով տարիքային վերին շեմը 27-ից բարձրացվում է 30-ի: Ներքևի նշաձողը մնում է նույնը` 18 տարեկան, թեև դեկտեմբերին պաշտպանության նախարար Սերգեյ Շոյգուն առաջարկել էր այն բարձրացնել մինչև 21 տարեկան:
Պետդուման առաջին ընթերցմամբ կողմ էր քվեարկել 21 տարվա ստորին սահմանին, սակայն երկրորդ ընթերցմամբ հրաժարվել էր այդ փոփոխությունից։
Օրենքն ուժի մեջ է մտնում 2024 թվականի հունվարի 1-ից, անցումային շրջան չի լինելու։
