07.10.2026 | 23:48
Արթուր Դանիելյանը կալանավորվեց
Ճապոնիան Ռուսաստանը համարում է ուղղակի սպառնալիք Եվրոպայի անվտանգության համար
Քաղաքականություն
28.07.2023 | 17:56
Ռուսաստանի ներխուժումն Ուկրաինա ամենակարևոր և անմիջական սպառնալիքն է Եվրոպայում, ասվում է Ճապոնիայի պաշտպանության Սպիտակ գրքի նոր հրատարակության մեջ, փոխանցում է VOA-ն:
Տեքստում ասվում է, որ Ռուսաստանը, չնայած ՄԱԿ-ի Անվտանգության խորհրդի անդամի կարգավիճակին, անտեսել է միջազգային իրավունքը։ Ռուսաստանի իշխանությունների հռետորաբանությունն ու գործողությունները «կարող են մեկնաբանվել որպես միջուկային զենքի կիրառման սպառնալիքներ»։
Նշվում է, որ համաշխարհային հանրությունը, այդ թվում՝ Ճապոնիան, չի համակերպվի Ռուսաստանի նման գործողությունների հետ։
Ճապոնիայի իշխանություններն անհանգստացած են Արևելա-չինական և Հարավչինական ծովերում Չինաստանի ռազմական ներկայությամբ, ինչպես նաև Ռուսաստանի և Չինաստանի միջև համատեղ զորավարժություններով: Մյուս վտանգը Հյուսիսային Կորեան է, որը զարգացնում է միջուկային և հրթիռային մշակումները։
Այս ֆոնին Ճապոնիան հայտարարում է դիվանագիտական հարաբերությունների առաջնահերթությունը, սակայն չի հրաժարվում «իր հողն ինքնուրույն պաշտպանելու» և պոտենցիալ թշնամուն զսպելու մտադրությունից։
