18.08.2026 | 22:17
Հայաստանի մի շարք հասցեներում էլեկտրաէներգիայի անջատումներ կլինեն
Բաքուն չի պատրաստվում հումանիտար բեռները թողնել Արցախ. Ադրբեջանն արձագանքել է Նիկոլ Փաշինյանին
Քաղաքականություն
27.07.2023 | 21:00
Ադրբեջանի ԱԳՆ-ն արձագանքել է ՀՀ վարչապետ Նիկոլ Փաշինյանի հայտարարություններին Արցախ հումանիտար բեռների փոխադրման հետ կապված։ Բաքուն ևս մեկ անգամ հայտարարել է, որ չի պատրաստվում բեռները թողնել Արցախ։
«Հայկական կողմից մարդասիրական բեռների պատրվակով ավտոշարասյուններ ուղարկելն Ադրբեջանի ինքնիշխան տարածքներ՝ առանց մեր երկրի հետ պայմանավորվածության, հերթական սադրանքն է Ադրբեջանի տարածքային ամբողջականության և ինքնիշխանության դեմ։ Այս սադրանքի խրախուսումը հայկական պետության և վարչապետի մակարդակով անընդունելի է»,- ասվում է Ադրբեջանի ԱԳՆ հայտարարության մեջ։
Բաքուն շարունակում է հայտարարել, թե Հայաստանի պնդումներն Արցախում վատթար հումանիտար իրավիճակի մասին նպատակ ունեն, իբր, «անհիմն քաղաքական շահարկումներով լարվածություն ստեղծել»: Ադրբեջանը նաև հայտարարել է, թե Հայաստանը, իբր, պետք է զերծ մնա «սադրիչ քայլերից, աջակցի Աղդամի և այլ այլընտրանքային ճանապարհների օգտագործմանը, որոնք առաջարկել է ադրբեջանական կողմը»:
Բացի այդ, ըստ Բաքվի՝ Հայաատանը չպետք է խոչընդոտի արցախահայերին «ինտեգրելու Ադրբեջանի ջանքերին»:
Էմմա Չոբանյան
