07.10.2026 | 22:19
Ադրբեջանական իշխանական ԶԼՄ-ն Թուրքիայի մասին կոշտ շեշտադրմամբ հրապարակում է արել՝ հարաբերությունների լարվածության ֆոնին
Մարտական գործողությունները զգալիորեն ակտիվացել են. Պուտինը՝ Զապորոժիեի շրջանում Ուկրաինայի հակահարձակման մասին
Քաղաքականություն
27.07.2023 | 19:36
Ռուսաստանի նախագահ Վլադիմիր Պուտինը խոսել է օրվա թեմայի՝ ուկրաինական հակահարձակման նոր փուլի մասին, գրում է BBC-ի ռուսական ծառայությունը։
«Ինչ վերաբերում է վերջին օրերին, ապա, իսկապես, մենք հաստատում ենք, որ ռազմական գործողությունները զգալիորեն սրվել են։ Հիմնական բախումները տեղի են ունեցել, ինչպես ասում են՝ Արևմուտքում, հիմնական, գլխավոր հարձակման ուղղությամբ՝ Զապորոժիեի ուղղությամբ»,- ասել է նա։
BBC-ի ռուսական ծառայությունը հիշեցնում է, որ Պուտինը պարբերաբար պնդում է, որ ուկրաինական հակահարձակումը «հաջողություն չի գրանցում»։ Այս անգամ նորությունն այն էր, որ Պուտինն անուղղակիորեն տվեց ռուսական կորուստների իր գնահատականը. Մոսկվան հազվադեպ է նշում ռուս զինվորականների զոհերի թիվը, այս թվերը տարբերվում են ինչպես Կիևի, այնպես էլ փորձագետների գնահատականներից:
«Բացի ռազմական տեխնիկայից, իհարկե, հակառակորդն ունի անձնակազմի շատ մեծ կորուստներ՝ 200-ից ավելի մարդ [օրական]։ Ցավոք, մենք ևս կորուստներ ունենք։ Բայց տարբերությունը հսկայական է. երբեմն թշնամուց ավելի քան 10 անգամ պակաս»,- հայտարարել է Ռուսաստանի ղեկավարը:
