16.05.2026 | 10:16
Հրդեհ Ստեփանավան քաղաքում
Անկարան և Բաքուն համագործակցելու են թուրքական հինգերորդ սերնդի Kaan կործանիչի նախագծի շրջանակում
Քաղաքականություն
27.07.2023 | 16:04
Թուրքիան և Ադրբեջանը պայմանավորվել են համագործակցել հինգերորդ սերնդի թուրքական Kaan կործանիչները ստեղծելու նախագծի շրջանակում։ Այս մասին գրում են ադրբեջանական լրատվամիջոցները՝ վկայակոչելով թուրքական աղբյուրներին։
Հաղորդվում է, որ այս պայմանավորվածությունը պաշտոնապես ձևակերպվելու է երկկողմ համաձայնագրով, որը նախատեսվում է ստորագրել Ստամբուլում անցկացվող Միջազգային պաշտպանական արդյունաբերության ցուցահանդեսի (IDEF-2023) շրջանակում։
Նշում է, որ Բաքվի մասնակցությունը նախագծին պետք է դիտարկել որպես ռուսական ՄիԳ-29 ինքնաթիռներով զինված ադրբեջանական ռազմաօդային ուժերի արդիականացման կարևոր քայլ։
Ըստ որոշ աղբյուրների էլ՝ թուրքական կործանիչ ստեղծելու նախագծին կարող է մասնակցել նաև Ուկրաինան։
Հինգերորդ սերնդի Kaan կործանիչը ստեղծվել է 2017 թվականից։ Նախատեսվում է, որ այն առաջին թռիչքը կիրականացնի այս տարի, իսկ զանգվածային արտադրությունը կսկսվի 2028 թվականին։
Հիշեցնենք, որ նախօրեին Ադրբեջանի Պաշտպանության նախարարության և թուրքական TUSAŞ ընկերության միջև ստորագրվել է ադրբեջանական ԶՈՒ-ի Սու-25 կործանիչների արդիականացման համաձայնագիրը։
Էմմա Չոբանյան
