15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
BRICS-ի բանկը պատժամիջոցների պատճառով հրաժարվել է ՌԴ-ում նոր նախագծերից
Քաղաքականություն
27.07.2023 | 18:30
BRICS-ի անդամ երկրների կողմից ստեղծված Զարգացման նոր բանկը (ԶՆԲ) պատժամիջոցների պատճառով հրաժարվել է Ռուսաստանում նոր ներդրումային ծրագրերից։ Այս մասին հայտնում է Reuters գործակալությունը՝ հղում անելով բանկի ղեկավար Դիլմա Ռուսեֆին։
Զարգացման նոր բանկը 100 միլիարդ դոլար կապիտալով և Շանհայում կենտրոնակայանով ստեղծվել է BRICS-ի անդամ երկրների՝ Բրազիլիա, Ռուսաստան, Հնդկաստան, Չինաստան և Հարավային Աֆրիկա 2014 թվականին, և ութ տարվա աշխատանքի ընթացքում ավելացրել է իր վարկային պորտֆելն ավելի քան 30 անգամ, գրում է The Moscow Times-ը։
Բանկի գործունեության նպատակն է՝ ֆինանսավորել ենթակառուցվածքային նախագծերը և կայուն զարգացման նախագծերը BRICS-ի, ինչպես նաև զարգացող երկրներում: Այնուամենայնիվ, ըստ հրապարակման, ռուսական լայնամասշտաբ ռազմական ներխուժումն Ուկրաինա և դրան ի պատասխան Մոսկվայի նկատմամբ կիրառված պատժամիջոցները բանկը դարձրեցին «թունավոր» ներդրողների աչքում, քանի որ կանոնադրական կապիտալի 20%-ը պատկանում է Ռուսաստանին։
