26.06.2026 | 19:34
Մարտի 1-ին մի քանի մահ եղել է «Չերյոմուխա»-ի սխալ օգտագործումից. Լևոն Քոչարյան. ՏԵՍԱՆՅՈՒԹ
Շոյգուն հանդիպել է Կիմ Չեն Ինի հետ․ Հյուսիսային Կորեայի ղեկավարը նրան ցուցադրել է տեղական ԱԹՍ-ները
27.07.2023 | 11:33
Հյուսիսային Կորեայի ղեկավար Կիմ Չեն Ինը Փհենյանում հանդիպել է ռուսական ռազմական պատվիրակության հետ՝ պաշտպանության նախարար Սերգեյ Շոյգուի գլխավորությամբ։ Այս մասին հայտնում է Կորեայի կենտրոնական լրատվական գործակալությունը, որին վկայակոչում է ՏԱՍՍ-ը։
Նշվում է, որ Շոյուն փոխանցել է ՌԴ նախագահ Վլադիմիր Պուտինի անձնական ուղերձը։ Կողմերը նաև մտքեր են փոխանակել ազգային, տարածաշրջանային և միջազգային անվտանգության հարցերի շուրջ։
Նրանք նաև այցելել են Փհենյանում անցկացվող զենքի ցուցահանդես, ծանոթացել ներկայացված նմուշներին։ Կիմ Չեն Ինը Շոյգուին ներկայացրել է տեղական արտադրության անօդաչու թռչող սարքեր և միջմայրցամաքային բալիստիկ հրթիռներ։ Հրապարակված լուսանկարներից պարզ է դառնում, որ անօդաչու թռչող սարքերից երկուսը դիզայնով շատ նման են ամերիկյան MQ-9 Reaper և Global Hawk հետախուզական անօդաչուներին։
Հիշեցնենք՝ ռուսական պատվիրակությունը Հյուսիսային Կորեայում է՝ մասնակցելու Կորեական պատերազմի ավարտի 70-ամյակին նվիրված միջոցառումներին։
