06.06.2026 | 12:13
NYMEX. Թանկարժեք մետաղների գները նվազել են
Կյանքից հեռացել է աշխարհահռչակ երգչուհի Շինեյդ Օ’Քոնորը
Քաղաքականություն
27.07.2023 | 11:18
Իռլանդիայում 56 տարեկան հասակում մահացել է աշխարհահռչակ երգչուհի և երգահան Շինեյդ Օ’Քոնորը։ Մահվան պատճառի մասին չի հաղորդվում, գրում է BBC-ի ռուսական ծառայությունը։
«Խոր վշտով հայտնում ենք մեր սիրելի Շինեյդի մահվան մասին։ Նրա ընտանիքը և ընկերները շատ վշտացած են»,- ասվում է ընտանիքի տարածած հայտարարության մեջ:
Շինեյդին մեծ ճանաչում էր բերել Փրինսի «Nothing Compares to You» երգի քավեր տարբերակը, որը թողարկվել էր 1990 թվականին։ Երգի տեսահոլովակը YouTube-ում դիտվել է շուրջ 400 միլիոն անգամ։ Ընդհանուր առմամբ, Օ’Քոնորը թողարկել է 10 ալբոմ։
Օ’Քոննորը 2018 թվականին իսլամ էր ընդունել և իրեն անվանել Շուհադա Սադաքաթ: Երգչուհին պատմել էր, որ երկար ժամանակ պայքարել է դեպրեսիայի դեմ և խոստովանել, որ իրեն հաճախ էին այցելում ինքնասպանության մտքերը։
Նրա համար մեծ ցնցում էր եղել 17-ամյա որդու՝ Շեյնի մահը, որն ինքնասպանություն էր գործել 2022 թվականին։
