Ադրբեջանը Հնդկաստանին կոչ է արել Հայաստանին սպառազինություն չվաճառել

Լուրեր

21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
21.11.2026 | 16:54
Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես
21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
Բոլորը

Ադրբեջանի նախագահի օգնական, աշխատակազմի արտաքին քաղաքականության բաժնի ղեկավար Հիքմեթ Հաջիևը հանդիպել է Բաքվում  Հնդկաստանի արտակարգ և լիազոր դեսպան Շրիդհարան Մադհուսուդհանանի հետ և կոչ արել Հայաստանին զենք չվաճառել։

Հավելենք, որ այսօր Ադրբեջանի քարոզչական լրատվամիջոցները տեղեկություններ ու տեսանյութ էին տարածել, թե Իրանի տարածքով, իբր, շարասյունով զենք է տեղափոխվում Հայաստան։

Հաջիևն ասել է, որ Հայաստանի և Հնդկաստանի միջև ռազմական համագործակցության խորացումը և այդ համատեքստում ադրբեջանական լրատվականների տարածած տեղեկություններն ադրբեջանական կողմի մտահոգությունն են առաջացրել։

Թուրքիայի և Իսրայելի հետ ժամանակակից սպառազինության նորանոր պայմանագրեր կնքող և Հայաստանին ամենօրյա ռեժիմով սպառնացող երկրի ներկայացուցիչը նշել է, թե «Հնդկաստանի կողմից մահաբեր զենքի մատակարարումը Երևանին այն ժամանակ, երբ Ադրբեջանը բանակցում է Հայաստանի հետ խաղաղության համաձայնագրի շուրջ, ճանապարհ է բացում Հայաստանի ռազմականացման և իրավիճակի սրման համար, խոչընդոտներ է ստեղծում խաղաղության և անվտանգության համար Հարավային Կովկասի տարածաշրջանում»։ Հաջիևը Հնդկաստանի դեսպանին կոչ է արել պաշտոնական Դելիի ուշադրությունը հրավիրել «ադրբեջանական կողմի լուրջ մտահոգություններին և վերանայել Հնդկաստանի որոշումը Հայաստանին մահաբեր զենք մատակարարելու վերաբերյալ»։

Հավելենք, որ ավելի վաղ էլ Ադրբեջանի նախագահ Իլհամ Ալիևն էր Հնդկաստանի դեսպանին բողոքել Հայաստանի զենքի վաճառքից։ Միաժամանակ, Ադրբեջանի ՊՆ ղեկավարն ու նախագահ Ալիևը վերջերս հայտարարել էին նոր սպառազինության գնման պայմանագրերի մասին։

«Պատերազմից հետո նոր սպառազինությունների գնման գործընթացը շարունակվում է, արդեն կնքվել են բազմաթիվ պայմանագրեր՝ ինչպես մեր երկիր նոր անօդաչու թռչող սարքերի, այնպես էլ հեռահար հրթիռների մատակարարման համար, որոնք օժտված են մեծ կործանարար ուժով և բարձր ճշգրտությամբ»,- ասել էր Ադրբեջանի նախագահը։

Էմմա Չոբանյան