15.01.2026 | 19:15
Լիտրը 270 դրամ․ ինչու է հեղուկ գազը օր օրի թանկանում. ՏԵՍԱՆՅՈՒԹ
Ինչի՞ց ա վախենում Փաշինյանը, 2021-ին ընկել էր դռնեդուռ, ձայներ էր հավաքում․ անհետ կորածների հարազատներ․ ՏԵՍԱՆՅՈՒԹ
Քաղաքականություն
26.07.2023 | 15:42
Նախագահական նստավայրի մոտ, որտեղ ժամանակավորապես տեղափոխվել է վարչապետ Նիկոլ Փաշինյանը, բողոքի ակցիա են իրականացնում Էջմիածնի «Քիմիկների» զորամասի զինծառայողների ծնողները, որոնց զավակներին 2021 թվականի հոկտեմբերի 21-ին տեղափոխել էին Արցախ՝ մարտական առաջադրանքի, սակայն նրանք հայտնվել էին շրջափակման մեջ ու անհետ կորել:
Անհետ կորածների հարազատները առավոտից փակել են Բաղրամյան պողոտան, նստացույց են սկսել, պահանջում են հանդիպում վարչապետ Նիկոլ Փաշինյանի հետ։
Նրանք պնդում են՝ իրենց զավակներն անհետ կորած չեն, գերեվարված են։
Ծնողներին դեռ մեկ շաբաթ առաջ էին խոստացել, որ հանդիպում կլինի վարչապետի հետ, սակայն այն այդպես էլ տեղի չի ունեցել։
«Փաշինյանը 2021-ին ընկել էր դռնեդուռ, ձայներ էր հավաքում, ասաց՝ թող 1-2 ամիս էլ ներող լինեն մեր եղբայրները, բայց արդեն 3 տարի է, ինչի՞ իր խոսքին տեր չի կանգնում։ Մենք էստեղ ենք կոտորվում, մեր երեխեքն էլ էնտեղ։ Թող քայլեր ձեռնարկի։
Հողերը տվիր, քարտեզները տվիր, Ղարաբաղը տվիր, դե պայքարի, պահանջի, թող մեր գերիներին վերադարձնեն»,- նշեց ծնողներից մեկը։
Անհետ կործազ զինծառայողներից մեկի ծնողն էլ հավելեց․ «Ժամանակին Փաշինյանն ասում էր՝ ես պարտավոր եմ պատասխանել ծնողների հարցերին, ո՞ւր է հիմա, որ չի ուզում պատասխանել անհետ կորած զինծառայողների հարցերին։ Ինչի՞ց ա վախենում։ Վախենաում ա, որ մենք գիտենք՝ մտածված տարան մեր երեխեքին Կովսականում թողեցին, եկա՞ն»։
Մանրամասները՝ տեսանյութում։
