07.10.2026 | 23:48
Արթուր Դանիելյանը կալանավորվեց
Վարչապետը փափուկ բարձ դրեց մեր գլխի տակ, ուղարկեց, ու էլ մեզ չի ընդունում․ անհետ կորածի ծնող. ՏԵՍԱՆՅՈՒԹ
Հասարակություն
26.07.2023 | 12:47
Նախագահական նստավայրի մոտ, որտեղ ժամանակավորապես տեղափոխվել է վարչապետ Նիկոլ Փաշինյանը, բողոքի ակցիա են իրականացնում Էջմիածնի «Քիմիկների» զորամասի զինծառայողների ծնողները, որոնց զավակներին 2021 թվականի հոկտեմբերի 21-ին տեղափոխել էին Արցախ՝ մարտական առաջադրանքի, սակայն նրանք հայտնվել էին շրջափակման մեջ ու անհետ կորել:
Անհետ կորած զինծառայողների հարազատները առավոտից փակել են Բաղրամյան պողոտան, այժմ նստացույց են սկսել, պահանջում են հանդիպում վարչապետ Նիկոլ Փաշինյանի հետ։
Նրանք պնդում են, որ իրենց զավակներն անհետ կորած չեն, գերեվարված են․ ադրբեջանական հեռուստատեսությամբ տեսել են, որ իրենց երեխաներին անտառից հանել, թևերը կապած տանում են։
Ծնողներին դեռ մեկ շաբաթ առաջ էին խոստացել, որ հանդիպում կլինի վարչապետի հետ, սակայն այն այդպես էլ տեղի չի ունեցել։
«Մեզ խոստացան, որ եթե մեր հարցերին լուծում չտան, գոնե մեզ կլսեն, բայց խաբեցին։ Մենք մեկ շաբաթը լրանալուն պես նորից եկանք՝ պահանջում ենք հանդիպում վարչապետ Փաշինյանի հետ, բայց ո՛չ ընդունում է, ո՛չ լսում մեզ։
Վարչապետի հետ նախկինում հանդիպել ենք, մեզ ընդունեց, փափուկ բարձ դրեց մեր գլխի տակ, ու դրանից հետո էլ չի ընդունում։
Ասում էր՝ մեր գերիները մեկ-երկու ամիս կսպասեն, մեզ կներեն։ Բայց այս հարցը պատասխան չունեցավ, ոչ էլ ուզում է լուծել»,- այս մասին նշեց անհետ կորած զինծառայողներից մեկի ծնողը։
Մանրամասները՝ տեսանյութում։
