Հասարակություն
26.07.2023 | 12:20Նախագահական նստավայրի մոտ, որտեղ ժամանակավորապես տեղափոխվել է վարչապետ Նիկոլ Փաշինյանը, բողոքի ակցիա են իրականացնում Էջմիածնի «Քիմիկների» զորամասի զինծառայողների ծնողները, որոնց զավակներին 2021 թվականի հոկտեմբերի 21-ին տեղափոխել էին Արցախ՝ մարտական առաջադրանքի, սակայն նրանք հայտնվել էին շրջափակման մեջ ու անհետ կորել:
Անհետ կորածների հարազատները առավոտից փակել են Բաղրամյան պողոտան, այժմ նստացույց են սկսել, պահանջում են հանդիպում վարչապետ Նիկոլ Փաշինյանի հետ։
Նրանք պնդում են՝ իրենց զավակներն անհետ կորած չեն, գերեվարված են։
«Հասկացանք պատերազմ էր, բայց պատերազմը չի ասում տար երեխեքին հանձնի ու արի խիղճդ հանգիստ ապրի քո ընտանիքի հետ։ Դավաճաններն այսօր իրենց արժանի պատիժը չեն ստացել։
Մենք էլ արդեն 3 տարի է լուր չունենք մեր երեխաներից։
Մեակ նրանց անհետ կորելուց 5 ամիս հետո ադրբեջանական հեռուստատեսությամբ տեսել ենք, թե ոնց են մեր երխեքին անտառից հանում, թևերը կապած տանում գերության։
Բայց այսօր մեր պետությունը մի բառ չի ասում, թող ասի՝ գերի են մեր երեխաները, թե սպանված են։ Երեք տարի է պատասխան չեն տալիսի»,- Բաղրամյան պողոտայում բողոքի ակցիայի ժամանակ ասաց անհետ կորածների ծնողներից մեկը։
Մանրամասները՝ տեսանյութում։
