14.09.2026 | 10:46
Օմանը հետաձգել է Հորմուզի նեղուցի շուրջ Իրանի և տարածաշրջանի երկրների հետ բանակցությունները
Հունաստանում շարունակում են մոլեգնել անտառային հրդեհները՝ մարդկային կյանքեր խլելով
Քաղաքականություն
26.07.2023 | 13:18
Հունական կղզիներում լայնածավալ անտառային հրդեհների հետևանքով առնվազն երեք մարդ է զոհվել։ Այս մասին հայտնում է Reuters գործակալությունը։
Հրդեհները, որոնք մոլեգնում են արդեն մեկ շաբաթ, հանգեցրել են մարդկանց զանգվածային տարհանման։ Մասնավորապես, Հռոդոսում մոտ 20 հազար մարդ ստիպված է եղել լքել իրենց տներն ու հյուրանոցները։
Այժմ պաշտոնապես հաստատվել է երեք մարդու մահ՝ հրդեհաշիջման աշխատանքներին մասնակցող Canadair CL-215 ինքնաթիռի երկու օդաչուները, որոնք վթարի են ենթարկվել Հունաստանի ամենամեծ կղզիներից մեկում, իսկ դժվար հասանելի Էվբեա կղզու տարածքում հայտնաբերվել է անհետ կորած տղամարդու այրված դի։
Հարյուրավոր հրշեջներ կրակ են մարում Հռոդոս, Կորֆու և Էվբեա կղզիներում, որոնց օգնում են գործընկերները Թուրքիայից և Սլովակիայից։
Վարչապետ Կիրիակոս Միցոտակիսի հայտարարել է, որ հաջորդող օրերը բարդ են լինելու. Հունաստանում կանխատեսվում է ջերմաստիճանի բարձրացում՝ որոշ շրջաններում հասնելով 44 աստիճանի։
