15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
Կոչ ենք անում դեմոկրատ կառավարություններին ճնշում գործադրել Ադրբեջանի վրա՝ վերջ տալու անմեղ մարդկանց դիտավորյալ սովամահությանը․Freedom House
Քաղաքականություն
26.07.2023 | 12:11
Freedom House միջազգային րավապաշտպան կազմակերպությունն անդրադարձել է Կարմիր խաչի միջազգային կոմիտեի ահազանգին Արցախում տիրող ծանր հումանիտար իրավիճակի մասով։ Կազմակերպությունը կոչ է անում Ադրբեջանի իշխանություններին թույլ տալ մարդասիրական բեռների անցում։
«Մենք կոչ ենք անում Ադրբեջանին թույլատրել ԿԽՄԿ-ին կենսականորեն անհրաժեշտ մարդասիրական օգնություն ցուցաբերել Լեռնային Ղարաբաղին և անհապաղ աշխատել ազատ տեղաշարժի ապահովման ուղղությամբ՝ բացելով Լաչինի միջանցքը՝ երաշխավորելով անհատների, տրանսպորտային միջոցների և բեռների անսահմանափակ տեղաշարժը»,-ասվում է կառույցի թվիթերյան գրառման մեջ։
Կոչ է արվում նաև ճնշում գործադրել Ադրբեջանի վրա։
«Տարածաշրջանում վատթարացող մարդասիրական իրավիճակը խաղաղ բնակիչներին զրկել է դեղորայքից և առաջին անհրաժեշտության ապրանքներից: Մենք հորդորում ենք ժողովրդավար կառավարություններին ճնշում գործադրել Ադրբեջանի վրա՝ կոչ անելով վերջ տալ անմեղ մարդկանց դիտավորյալ սովամահությանը»,-ասվում է հայտարարության մեջ։
