14.10.2026 | 13:53
«Խոսրովի անտառ» պետական արգելոցում բեզոարյան այծեր են տեսանկարահանվել
Խոշոր ու ողբերգական ավտովթար` Տավուշի մարզում. ղեկին զինծառայող է եղել. shamshyan.com
11.07.2018 | 10:47
Տավուշի մարզում հուլիսի 10-ին ողբերգական ավտովթար է տեղի ունեցել: Ժամը 19։15-ի սահմաններում Mitsubishi Pajero IO մակնիշի 35 PV 867 համարանիշի ավտոմեքենայի վարորդը Բերդ-Ճամբարակ ավտոճանապարհի «Եղնիկասար» կոչվող հատվածում դուրս է եկել ճանապարհի երթեւեկելի գոտուց եւ շուրջ 100 մետր մի քանի պտույտ շրջվելով՝ հայտնվել ձորում։ Այս մասին տեղեկանում ենք shamshyan.com-ից:
Վթարի հետեւանքով 1 անձ տեղում մահացել է, 6-ը՝ մարմնական վնասվածքներով տեղափոխվել Բերդ քաղաքի հիվանդանոց։ Վիրավորներից երկուսին ձորից դուրս են բերել փրկարարները։
Փաստի առիթով Բերդի քննչական բաժնում ՀՀ քր. օր-ի 242 հոդվածի 2-րդ մասի հատկանիշներով հարուցվել է քրեական գործ։ Ոստիկանությունն ու քննչական բաժինը պարզում են մահացածի, վարորդի եւ վիրավորների ինքնությունը։ Աղբյուրի տեղեկություններով՝ մահացածը վարորդի կինն է, վիրավորները՝ նրա քույրն ու 2 անչափահաս երեխաները, իսկ վարորդը ծառայում է ՀՀ ՊՆ N զորամասում՝ որպես պայմանագրային զինծառայող:
