06.06.2026 | 18:40
Ստեփանավանի տարածաշրջանում կարկուտ է տեղացել․ կան վնասներ
ՌԴ-ն մտադիր է ամեն կերպ օգնել Ադրբեջանի և Հայաստանի միջև խաղաղության պայմանագրի համաձայնեցման գործընթացին․ Լավրով. ՏԵՍԱՆՅՈՒԹ
Քաղաքականություն
25.07.2023 | 19:10
Ռուսաստանը մտադիր է ամեն կերպ օգնել Ադրբեջանի և Հայաստանի միջև խաղաղության պայմանագրի համաձայնեցման գործընթացին։ Այս մասին հայտարարել է ՌԴ ԱԳ նախարար Սերգեյ Լավրովը Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հետ բանակցություններում։
«Այսօր ես կցանկանայի ձեզ առաջարկել կարծիքներ փոխանակել այն մասին, թե որ փուլում է գտնվում Ադրբեջանի և Հայաստանի միջև խաղաղության պայմանագրի շուրջ բանակցությունների գործընթացը: Մենք պատրաստ ենք ամեն կերպ օգնել համաձայնեցնել այն՝ օգտագործելով մեր փորձագիտական ներուժը և լավ հարաբերությունները այստեղ ներկայացված մեր ընկերների հետ»,- ասել է ՌԴ ԱԳՆ ղեկավարը։
Լավրովի խոսքով՝ Մոսկվան կողմ է Ռուսաստանի Դաշնության, Ադրբեջանի և Հայաստանի ղեկավարների միջև բոլոր եռակողմ պայմանավորվածությունների հարգմանն ու իրականացմանը։ Նա նշել է, որ «Ռուսաստանը խորապես շահագրգռված է Հարավային Կովկասում խաղաղությամբ ու կայունությամբ»։
«Կողմերի համաձայնությամբ, որը, ինչպես հասկանում եմ, հաստատվել է, մենք կշարունակենք մեր ջանքերը՝ ուղղված հայ-ադրբեջանական սահմանին իրավիճակի կայունացմանը, հումանիտար խնդիրների լուծմանը, տնտեսական և տրանսպորտային կապերի ապաշրջափակմանը, քաղաքացիական հասարակությունների, փորձագետների, քաղաքագետների, խորհրդարանականների միջոցով մարդկանց շփումների զարգացմանը»,- հավելել է Լավրովը։
Մանրամասները՝ տեսանյութում։
