15.12.2025 | 13:02
Ռոստովի մարզը ենթարկվել է ԱԹՍ-ների զանգվածային հարձակման. վնասվել են էլեկտրահաղորդման գծեր և բնակելի տներ. ՏԵՍԱՆՅՈՒԹ
Ինչ ակնկալիք ունի Փաշինյանն այսօր Մոսկվայում կայանալիք Միրզոյան-Բայրամով-Լավրով հանդիպումից․ ՏԵՍԱՆՅՈՒԹ
Քաղաքականություն
25.07.2023 | 13:51
Վաշինգտոն-Բրյուսել-Մոսկվա հարթակների հերթագայումն ի՞նչ սկզբունքային հարց է փոխում, արդյո՞ք առաջնահերթությունները նույնն են, և որքանո՞վ բանակցային գործընթացի վրա կարող է ազդել ռուս-թուրքական հարաբերությունների լարումը: Այսօր՝ հուլիսի 25-ին հրավիրված մամուլի ասուլիսի ժամանակ ՀՀ վարչապետ Նիկոլ Փաշինյանն անդրադառնալով այս հարցերին՝ նախ ընդգծեց, որ անկախ բանակցությունների անցկացման վայրից, բանակցողները չեն փոխվում:
«Բանակցում են ՀՀ-ն և Ադրբեջանը: Եվ այս համատեքստում եմ ասում, որ բանակցություններում հաջողություն ունենալը, բանակցային լուծումների հասնելը մեզ է հարկավոր: Օրակարգը որևէ ձևով չի փոխվում, սկզբունքային հարցերը որևէ ձևով չեն փոխվում, խոսակցության տրամաբանությունը որևէ ձևով չի փոխվում: Այսինքն, դրանք շարունակում են մեկը մյուսին:
Ինչ վերաբերում է ՌԴ-ի և Թուրքիայի հարաբերություններում լարվածությանը, կարծում եմ, որ որևէ հարաբերության լարվածություն դրական ազդեցություն չի կարող ունենալ:
Մյուս կողմից էլ՝ չպետք է գերագնահատել լարվածություն ասվածը, որովհետև մենք տեսնում ենք, որ ՌԴ-ն և Թուրքիան, չնայած որոշակի տարաձայնություններին, շատ ակտիվ համագործակցում են»,- նշեց Փաշինյանը՝ հավելելով, որ բոլոր երկրների հարաբերություններում էլ կան հակասություններ, խնդիրն այն է, թե ինչքանով են այդ հակասությունները վերաճում կոնֆրոնտացիոն տրամաբանության:
«Հայեցակարգային և ռազմավարական առումով մեր մեծագույն խնդիրն այն է, որ մենք մեր պետության գոյության ողջ ընթացքում եղել և գործել ենք կոնֆրոնտացիոն տրամաբանության, որը, իմ կարծիքով, մեր մեծագույն պրոբլեմն է բոլոր առումներով՝ և՛ անվտանգային, և՛ զարգացման, և՛ միջազգային ազդեցության առումով։ Կոնֆրոնտացիոն տրամաբանությամբ չենք կարողացել և չենք կարող ապահովել երկարատև զարգացումը և մեր անվտանգության ապահովումը»։
Անդրադառնալով հարցին, թե ինչ ակնկալիք ունի այսօր Մոսկվայում կայանալիք Միրզոյան-Բայրամով- Լավրով հանդիպումից, Փաշինյանը նշեց․ «Ես ակնկալիք ունեմ մեզանից ՝ ՀՀ արտգործնախարարից, իհարկե մյուս գործընկերներից ևս, որ նրանք կկարողանան հնարավոր խաղաղության պայմանագրի ևս մի քանի հոդված համաձայնեցնել և ինչ-որ լուծման հասնել Լաչինի միջանցքի բացման հարցում»։
Մանրամասները՝ տեսանյութում։
