16.09.2026 | 14:23
Opta Aanalyst-ը գնահատել է «Արարատ-Արմենիայի» շանսերը Եվրոպա լիգայում. ԼՈՒՍԱՆԿԱՐ
«Մենք որոշ ժամանակ կլռենք, մինչեւ նրանք՝ իշխանությունները, գնան փոփոխությունների»․ Սամվել Բաբայանն Արցախում է.ՏԵՍԱՆՅՈւԹ
Քաղաքականություն
10.07.2018 | 21:46
Այսօր՝ հուլիսի 10-ին, ԼՂՀ պաշտպանության նախկին նախարար, գեներալ–լեյտենանտ, Արցախի հերոս Սամվել Բաբայանն այցելել է Ստեփանակերտի հուշահամալիր, որտեղ հանդիպել է իրեն սպասող հարյուրավոր արցախցիների հետ:
Նրան դիմավորել են «Բաբայա՛ն, Բաբայա՛ն» վանկարկումներով, նրա դիմանարներով պաստառներով, աղ ու հացով: Նա Ղարաբաղյան պատերազմում զոհված ազատամարտիկների շիրիմներին ծաղիկներ է խոնարհել, ապա ելույթով հանդես եկել հավաքված բազմության առաջ: «Ուզում եմ այն գլխից ասել, որ ես չեմ եկել հեղափոխություն անելու, չեմ եկել որեւէ մեկին ասելու՝ վեր կաց աթոռից, ես եմ նստելու: Ես ուղղակի եկել եմ Արցախ` հասկանալու, առաջին հերթին գիծ քաշելու հնում ինչ կատարվել է, իմ եւ իմ շրջապատի դեմ, որը որ բացատրել են, որ այդ խռովությունը պետք է մոռանալ: Մեզ ունենք հակառակորդ, ունենք լուրջ պրոբլեմ, ես երկու տարի առաջ այստեղ ասել եմ, որ պաշտպանության ոլորտում ունենք լուրջ խնդիրներ: Երկու օր առաջ ես հանդիպել եմ Բակո Սահակյանին եւ նրա հետ քննարկել ձեզ հուզող բոլոր հարցերը, առաջին հերթին շեշտը դնելով մեր երկրի պաշտպանության խնդիրներին: Իհարկե, այդ հանդիպման ժամանակ ես չէի կարող չշոշափել նաեւ տնտեսական, քաղաքական, ապակենտրոն իշխանություն ունենալու խնդիրները: Որքան ես եմ հասկացել, նա դեմ չէ: Խոստացել է, որ այդ փոփոխությունները կլինեն՝ սահմանադրական, օրենսդրական եւ այլն, կիրականացվեն: Ես ինձանից կախված ամեն ինչ անում եմ: Ղարաբաղի հարցով առնվազն երեք անգամ բանտ եմ նստել: Ես ոչ տեռորիստ եմ, ոչ էլ տեռորով զբաղված եմ: Բայց երբ պայքարում ես նրանց դեմ, նրանց այլընտրանք չի մնում, քան ձերբակալել: Եթե դա ինձ չի վախեցնում, ապա ինչո՞ւ պետք է ձեզ վախեցնի: Սա չի նշանակում, որ ես ձեզ հրահրում եմ վաղը միտինգներ անել, պետք չէ: Մենք որոշ ժամանակ կլռենք, մինչեւ նրանք՝ իշխանությունները, գնան փոփոխությունների: Ես բոլոր քաղաքական ուժերի հետ շփվել եմ, աշխատելու եմ: Չեն գնա այդ փոփոխություններին, մենք այլ ճանապարհով կփորձենք խնդիրը լուծել: Երբ որ մեկը 20-30 հոգի հավաքում եւ ասում է, որ ես եմ պրեզիդենտը, դա արդեն ծիծաղելի է: Որին հարցնում ես, պրեզիդենտ է ուզում լինել: Ինձ որ խնդրեն, ես նախագահի պաշտոնին չեմ նստի, երկու օր առաջ նախագահին եմ ասել» – իր ելույթում ասել է Սամվել Բաբայանը:
Մարութ Վանյան
Ստեփանակերտ
