06.06.2026 | 13:33
Քրեական աստիճանակարգության բարձրագույն կարգավիճակ ունեցող անձը և ևս մեկ անձ ձերբակալվել են
Թեհրանը չի ընդունում տարածաշրջանի երկրների սահմանների և աշխաքաղաքականության փոփոխություն․ Իրանի նախագահը՝ Արարատ Միրզոյանին
Քաղաքականություն
24.07.2023 | 19:10
Աշխատանքային այցով Թեհրանում գտնվող ՀՀ ԱԳ նախարար Արարատ Միրզոյանը հանդիպել է Իրանի նախագահ Էբրահիմ Ռաիսիին։ IRNA գործակալության փոխանցմամբ՝ զրույցի ընթացքում Ռաիսին ընդգծել է տարածաշրջանի երկրների կողմից տարածաշրջանային խնդիրների լուծման անհրաժեշտությունը։
«Արտաքին միջամտությունը միայն բարդացնում է խնդիրները, և Իրանի Իսլամական Հանրապետությունը, աջակցելով Հայաստանի և Ադրբեջանի միջև խաղաղ բանակցություններին, հույս ունի, որ այդ բանակցությունները հնարավորինս կհաստատեն և կամրապնդեն խաղաղությունը, անվտանգությունը և հանգստությունը տարածաշրջանում»,- ասել է Ռաիսին։
Նա նաև նշել է, որ Թեհրանը չի ընդունում աշխարհաքաղաքական որևէ փոփոխություն և տարածաշրջանի երկրների սահմանների փոփոխություն։ Իրանն աջակցում է տարածաշրջանի բոլոր երկրների ինքնիշխանությանը և տարածքային ամբողջականությանը։
Ռաիսին նաև ընդգծել է Հայաստանի հետ հարաբերությունների մակարդակի հնարավորինս բարելավման կարևորությունը՝ հավելելով, որ Իրանը որևէ խոչընդոտ չի տեսնում Հայաստանի հետ հարաբերությունների զարգացման համար։
Արարատ Միրզոյանն էլ, գնահատելով Իրանի դիրքորոշումը կովկասյան տարածաշրջանում տեղի ունեցող զարգացումների վերաբերյալ, հայտարարել է, որ Հայաստանը երբեք հարթակ չի դառնա հակաիրանական գործողությունների համար և միշտ կարևորում է տարածաշրջանային անվտանգության և խաղաղության ընդլայնումը։ Նա կարևորել է նաև երկու երկրների միջև դիվանագիտական հարաբերությունների խորացումն ու ամրապնդումը։
Էմմա Չոբանյան
