06.06.2026 | 12:25
Էլինա Ավանեսյանը կիսաեզրափակիչ է դուրս եկել Խորվաթիայում
Ալիևը խոսել է Արցախի կարգավիճակի և ՀՀ-ի հետ խաղաղության պայմանագրի ստորագրման հեռանկարների մասին
Քաղաքականություն
24.07.2023 | 17:06
Ադրբեջանի նախագահ Իլհամ Ալիևը չինական China Media Group-ին տված հարցազրույցում անդրադարձել է նաև Արցախին ու Հայաստանի հետ խաղաղության պայմանագրի հեռանկարներին։
Ալիևը հայտարարել է, թե, իբր, «Ադրբեջանում հայկական փոքրամասնության հետ կապված արդեն պաշտոնապես հայտարարել են, որ նրանց իրավունքներն ու անվտանգությունը ապահովվելու են Ադրբեջանի Սահմանադրությանը համաձայն»։ Նա հավելել է, թե կրոնական կամ էթնիկ հողի վրա խնդիրներ Ադրբեջանում չկան, ուստի, ըստ նրա, Ղարաբաղում բնակվող հայերը կունենան նույն իրավունքներն ու անվտանգության երաշխիքները, ինչ Ադրբեջանի մյուս քաղաքացիները։
«Կարծում եմ, որ դա լիովին համապատասխանում է միջազգային իրավունքի նորմերին։ Եվ ես կարծում եմ, որ միջազգային հանրությունը պաշտպանում է Ադրբեջանի այս դիրքորոշումը»,- ասել է Ալիևը։
Նա նշել է, թե կարծում է՝ Հայաստանի հետ մոտ ապագայում կարելի է համաձայնություն ձեռք բերել, քանի որ Երևանը ճանաչել է Ադրբեջանի տարածքային ամբողջականությունը։
«Ինչպես արդեն ասել եմ՝ նրանք ասել են՝ Ա – Ղարաբաղն Ադրբեջան է։ Հիմա նրանք պետք է ասեն՝ Բ – ստորագրենք այդ համաձայնագիրը։ Դրանից հետո համաձայնությունը կարող է ձեռք բերվել»,- ասել է Ալիևը՝ դարձյալ չնշելով՝ արդյո՞ք Բաքուն ճանաչում է Հայաստանի տարածքային ամբողջականությունը։
Էմմա Չոբանյան
