07.10.2026 | 23:00
Երթևեկության կազմակերպման փոփոխություն՝ Հակոբ Պարոնյան փողոցում
Պրիգոժինի ապստամբությունն ու դիվերսիաները ռուսների հիմնական մտավախության պատճառն են դարձել
Քաղաքականություն
24.07.2023 | 18:53
Դիվերսիոն գործողություններն ու Եվգենի Պրիգոժինի ապստամբության փորձը դարձել են ռուսների մտավավախության հիմնական աղբյուրները 2023 թվականի երկրորդ եռամսյակում։ Այս մասին ասվում է KPOC ընկերության կողմից իրականացված հետազոտության մեջ, փոխանցում է DW-ի ռուսական ծառայությունը։
Ապրիլ-հունիս ամիսներին ռուսաստանցիների շրջանում ամենամեծ վախը դիվերսիաներն էին, որոնք երկրորդ եռամսյակն անընդմեջ շարունակում են մնալ վարկանիշի առաջատարը։
Նշվում է, որ Մոսկվայի և այլ շրջանների վրա անօդաչու սարքերի հարձակումները, կրեմլամետ բլոգեր Վլադլեն Թաթարսկու սպանությունը, գրող Զախար Պրիլեպինի դեմ մահափորձը, ինչպես նաև «Ռուսաստանի կամավորական կորպուսի» գրոհը Բելգորոդի շրջանում առանցքային իրադարձություններ էին, որոնք ձևավորել են «դիվերսիոն մտահոգությունը»:
Անհանգստության ընդհանուր ինդեքսում երկրորդ տեղում է «Վագներ» մասնավոր ռազմական խմբավորման ձախողված ապստամբությունը։
Ըստ հետազոտության հեղինակների՝ ճգնաժամի խաղաղ լուծումը սոցիալական ցանցերում մի շարք դավադրությունների տեսությունների տեղիք է տվել, որոնք նպաստել են այս անհանգստության հետագա սրմանը։
Հիմնական մտավախությունների շարքում երրորդ տեղում են բնական աղետները։ Ուկրաինական հակահարձակման և աճող միջուկային սպառնալիքի հետ կապված մտահոգությունները զբաղեցնում են, համապատասխանաբար, չորրորդ և հինգերորդ տեղերը։
Էմմա Չոբանյան
