08.10.2026 | 18:28
Այս պահին բանակցային կարգավորման հեռանկար չի երևում․ Ռուբիոն՝ ռուս-ուկրաինական պատերազմի մասին
ՌԴ Դաշնային խորհրդի փոխնախագահը ՀՀ-ին «խորհուրդ է տվել դիտարկել Հռոմի ստատուտին միանալու ռիսկերը»
Քաղաքականություն
21.07.2023 | 13:12
Հայաստանի Ազգային ժողովը պետք է ուսումնասիրի երկրի՝ Հռոմի ստատուտին միանալու հետևանքները և գնահատի Ռուսաստանի հետ դաշնակցային հարաբերությունների համար դրա ռիսկերը։ Նման հայատարարություն է արել ՌԴ Դաշնային խորհրդի փոխնախագահ, համագործակցության միջխորհրդարանական հանձնաժողովի համանախագահ Յուրի Վորոբյովը Դաշնային ժողովի և Հայաստանի Ազգային ժողովի միջև համագործակցության միջխորհրդարանական հանձնաժողովի նիստում, գրում է ՏԱՍՍ-ը։
«Ինչպես մենք հասկանում ենք՝ դա նշանակում է, որ Հայաստանը ճանաչում է Հաագայի դատարանի իրավազորությունը բոլորի գործերի մասով, որոնք այն վարում է։ Ելնում ենք նրանից, որ հայ գործընկների այդ քայլը չունի հակառուսական համատեքստ, սակայն գործնականում շոշափելի վնաս է հասցնում հայ-ռուսական հարաբերություններին։ Կոչ ենք անում մեր դաշնակիցներին ևս մեկ անգամ ուշադիր դիտարկել Հռոմի ստատուտին միանալու հետևանքները և գնահատել հնարավոր ռիսկերը Ռուսաստանի հետ դաշնակցային հարաբերությունների համար։ Այս դեպքում ես դիմում եմ խորհրդարանականներին»,- ասել է Վորոբյովը։
Հիշեցնենք՝ ՀՀ Սահմանադրական դատարանի մարտի 24 որոշմամբ՝ Հռոմի ստատուտը չի հակասում Հայաստանի Սահմանադրությանը։ Վավերացման հարցը քննարկվելու է ԱԺ-ում։
Հայաստանի հիմնական նպատակն Ադրբեջանին իր ռազմական հանցագործությունների համար պատասխանատվության ենթարկելն է։
Էմմա Չոբանյան
