07.10.2026 | 23:48
Արթուր Դանիելյանը կալանավորվեց
Հաջորդ շաբաթ Թուրքիա կմեկնեն Իսրայելի ու Պաղեստինի ղեկավարները
Քաղաքականություն
21.07.2023 | 11:49
Իսրայելի վարչապետ Բենիամին Նեթանյահուն ու Պաղեստինի նախագահ Մահմուդ Աբասը հաջորդ շաբաթ Ռեջեփ Թայիփ Էրդողան հրավերով այցելելու են Թուրքիա։ Թուրքիայի նախագահականի հաղորդմամբ՝ Աբասը հուլիսի 25-ին է մեկնելու Անկարա, և կայանալիք հանդիպումներում քննարկվելու են Թուրքիա-Պաղեստին հարաբերությունները, իսրայելա-պաղեստինյան հակամարտության վերջին զարգացումները և տարածաշրջանային ու միջազգային արդի այլ հարցեր։ Օրակարգային հարցերի թվում են լինելու նաև երկու երկրների միջև համագործակցության հետագա ամրապնդմանն ուղղված քայլերը։ Նեթանյահուն, որի այցի նախապատրաստման մասին մամուլում վաղուց էին տեղեկություններ հայտվել, Թուրքիա է մեկնելու հուլիսի 28-ին։
«Այցի շրջանակներում կայանալիք հանդիպումների ընթացքում կքննարկվեն Թուրքիայի և Իսրայելի երկկողմ հարաբերությունները բոլոր առումներով և համագործակցության խորացմանն ուղղված քայլերը։ Բանակցությունների ընթացքում ակնկալվում է մտքերի փոխանակում տարածաշրջանային և միջազգային արդի խնդիրների և երկկողմ հարաբերությունների շուրջ»,-ասվում է հաղորդագրության մեջ։
