13.01.2025 | 18:26
«Մայր Հայաստան» խմբակցությունը Երևանի ավագանու արտահերթ նիստ կգումարի
Պետք է անհապաղ միջոցներ ձեռնարկվեն Լաչինի միջանցքի ապաշրջափակման համար․ ԵԱՀԿ-ում ՌԴ մշտական ներկայացուցիչ
Քաղաքականություն
20.07.2023 | 18:06
Հայաստանի կողմից հրավիրված ԵԱՀԿ Մշտական խորհրդի հատուկ նիստի ժամանակ կառույցում Ռուսաստանի Դաշնության մշտական ներկայացուցիչ Ալեքսանդր Լուկաշևիչը հայտարարել է, որ ռուսական կողմը հաստատում է իր մտադրությունը՝ ակտիվորեն նպաստելու Լեռնային Ղարաբաղում բնականոն կյանքի վերականգնմանը և հայ-ադրբեջանական հարաբերությունների կարգավորման գործընթացին։
«Պատրաստ ենք Մոսկվայում կազմակերպել արտգործնախարարների եռակողմ հանդիպում՝ քննարկելու ամենաբարձր մակարդակով ձեռք բերված պայմանավորվածությունների կատարումը և խաղաղության պայմանագրի համաձայնեցումը դրան հետևող ռուս-ադրբեջանա-հայկական գագաթնաժողովով՝ այն ստորագրելու համար Մոսկվայում»,- ասել է ՌԴ ներկայացուցիչը։
Խոսելով Ադրբեջանի կողմից Լաչինի միջանցքի ապօրինի արգելափակման մասին՝ նա նշել է, որ այն պետք է բացվի։
«Անհապաղ միջոցներ պետք է ձեռնարկվեն Լաչինի միջանցքի ապաշրջափակման, երկու ուղղություններով քաղաքացիների, տրանսպորտային միջոցների և ապրանքների անխոչընդոտ տեղաշարժը վերսկսելու, ինչպես նաև տարածաշրջանն էներգամատակարարմամբ ապահովելու համար»,- ընդգծել է Լուկաշևիչը։
Էմմա Չոբանյան
