02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Ուկրաինան սկսել է օգտագործել ԱՄՆ-ի փոխանցած կասետային զինամթերքը․ WP
Քաղաքականություն
20.07.2023 | 19:44
Ուկրաինայի զինված ուժերը սկսել են կասետային զինամթերք կիրառել։ Այս մասին հայտնել է The Washington Post ամերիկյան պարբերականը՝ վկայակոչելով ուկրաինացի անանուն պաշտոնյայի։
«Ուկրաինան սկսել է երկրի հարավ-արևելքում օգտագործել ԱՄՆ-ի տրամադրած կասետային զինամթերքը ռուսական ուժերի դեմ՝ փորձելով կոտրել ուժեղ ամրացված ռուսական դիրքերը, որոնք դանդաղեցնում են ուկրաինական զորքերի ամառային հակահարձակումը»,- պաշտոնյայի խոսքերն է մեջբերել WP-ն:
Աղբյուրը հայտնել է, որ զինամթերքն արձակվել է ռուսական դիրքերի ուղղությամբ՝ ուկրաինական ուժերի տեղաշարժը խոչընդոտող խրամատները ոչնչացնելու նպատակով։
Ավելի վաղ Ուկրաինայի Զինված ուժերի ցամաքային զորքերի հրամանատար, գեներալ-գնդապետ Ալեքսանդր Սիրսկին հայտարարել էր, որ ուկրաինացի զինվորականները շատ շուտով պատրաստ կլինեն կասետային զինամթերք օգտագործել ռուս զավթիչների դեմ պատերազմում։
