24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Իրաքում ցուցարարները գրոհել են Շվեդիայի դեսպանատունը և հրկիզել այն
Քաղաքականություն
20.07.2023 | 13:49
Վաղ առավոտյան Իրաքի մայրաքաղաք Բաղդադում հարյուրավոր ցուցարարներ ներխուժել են Շվեդիայի դեսպանատան գլխավոր դարպասներից ներս՝ ի պատասխան Ստոկհոլմի ոստիկանության կողմից Ղուրանի այրման ակցիային թույլտվություն տրամադրելու, գրում է CNN-ը։
Սոցիալական ցանցերում հրապարակված տեսանյութերը ցույց են տալիս, որ մեծ թվով ցուցարարներ կան Շվեդիայի դեսպանատան ներսում, ինչպես նաև ծուխ ու կրակ է նկատվում շենքի կողմից։
Շվեդիայում նախատեսված բողոքի ցույցը տեղի է ունենում մի քանի շաբաթ անց այն բանից հետո, երբ միայնակ տղամարդը Ստոկհոլմի գլխավոր մզկիթի մոտ հրկիզել էր Ղուրանի էջերը, ինչը հանգեցրել է համատարած վրդովմունքի և դատապարտման ամբողջ աշխարհում, այդ թվում՝ Իրաքում: Այս ակցիայի կազմակերպիչն իրաքցի փախստական էր։
Բաղդադում բողոքի ցույցի ականատեսները լրատվամիջոցին պատմել են, որ ցուցարարները հետ են քաշվել Շվեդիայի դեսպանատան տարածքից այն բանից հետո, երբ դրա մի մասը հրկիզել են՝ «Աստծո Սուրբ գիրքն այրելու ակտի դեմ իրենց բողոքի ուղերձը փոխանցելուց հետո»:
Իրաքի ԱԳՆ-ն դատապարտել է Շվեդիայի դեսպանատան հրկիզումը։
Էմմա Չոբանյան
