07.10.2026 | 23:48
Արթուր Դանիելյանը կալանավորվեց
Բորելն առաջարկել է 20 մլրդ դոլար հատկացնել Ուկրաինայի ԶՈՒ-ին օգնելու համար
Քաղաքականություն
20.07.2023 | 13:17
ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը ԵՄ երկրներին առաջարկել է 20 միլիարդ եվրոյով ավելացնել Ուկրաինային տրամադրվող ռազմական օգնությունը։ Այս մասին հայտնում է գերմանական Frankfurter Allgemeine Zeitung (FAZ) պարբերականը, որին վկայակոչում է DW-ի ռուսական ծառայությունը։
Լրատվամիջոցի տվյալներով՝ Բորելն առաջարկել է տարեկան մոտ 5 մլրդ դոլար հատկացնել 2024-2027 թվականների համար՝ Ուկրաինայի ռազմական կարիքները հոգալու նպատակով։ Այս հարցի առաջիկա քննարկումը սպասվում է ԵՄ ԱԳ նախարարների հանդիպմանը, որը տեղի է ունենալու այսօր Բրյուսելում։
«Ուկրաինային ռազմական շարունակական աջակցության առկա հնարավորությունները կսպառվեն մինչև 2023 թվականի սեպտեմբեր»,- ասվում է Բորելի զեկույցում:
Լրացուցիչ միջոցները, ըստ զեկույցի, պետք է ուղղվեն Խաղաղության եվրոպական հիմնադրամ։ Այստեղից էլ ԵՄ անդամ երկրները կկարողանան մասնակի փոխհատուցում ստանալ այն զենքի ու զինամթերքի համար, որ փոխանցելու են Ուկրաինային։
Ավելի վաղ ուկրաինական բանակի մատակարարումների համար 20 միլիարդ եվրո հատկացնելու՝ ԵՄ մտադրության մասին հայտնել էր Politico-ն՝ վկայակոչելով այդ ծրագրերին ծանոթ մի քանի դիվանագետների։
Ուկրաինա ռուսական լայնամասշտաբ ներխուժման սկզբից ի վեր ԵՄ երկրները շուրջ 5,5 միլիարդ եվրո են հատկացրել Խաղաղության եվրոպական հիմնադրամին՝ Կիևին աջակցելու համար։ Հունիսի վերջին ԵՄ ԱԳ նախարարները պայմանավորվել են ավելացնել այդ գումարը ևս 3,5 միլիարդ եվրոյով։
Էմմա Չոբանյան
