06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ստամբուլի իշխանությունները հայտնել են հնարավոր երկրաշարժին նախապատրաստվելու մասին
Քաղաքականություն
19.07.2023 | 20:46
Թուրքիայի բնապահպանության և քաղաքաշինության նախարար Մեհմեդ Օժասեքին հայտարարել է, որ հաջորդ շաբաթ իշխանությունները կսկսեն Ստամբուլը նախապատրաստել հնարավոր երկրաշարժին։ Սեյսմոլոգներն ավելի վաղ զգուշացրել էին Ստամբուլում ցնցումների վտանգի մասին, գրում է Կոմերսանտը։
«Մենք հանդիպել ենք Էքրեմ Իմամօղլուի (Ստամբուլի քաղաքապետ) և շրջանների ղեկավարների հետ՝ Ստամբուլում հնարավոր երկրաշարժի վերաբերյալ քննարկումների համար, մենք սկզբունքային համաձայնության ենք եկել։ Սկսում ենք աշխատանքը հաջորդ շաբաթ»,- ասել է Օժասեքին մամուլի ասուլիսում։
Նրա խոսքով՝ Ստամբուլում կա 5 միլիոն 800 հազար շինություն։ Դրանցից 1,5 միլիոնը ռիսկային, 600 հազարը՝ բարձր ռիսկային գոտում է։ Նախարարը չի մանրամասնել երկրաշարժի նախապատրաստման աշխատանքների մանրամասները։
Թուրք սեյսմոլոգ Նաջի Գյորյուրը հուլիսի 12-ին ասել էր, որ փորձագետները Մարմարա ծովի տարածքում 7,2-7,6 մագնիտուդով երկրաշարժ են կանխատեսում։ Սեյսմոլոգների կարծիքով՝ Թուրքիայում հաջորդ երկրաշարժը կարող է տեղի ունենալ մինչև 2030 թվականը։
Տաթև Ֆռանգյան
