07.10.2026 | 23:48
Արթուր Դանիելյանը կալանավորվեց
Իրանի բանակի ղեկավարությունն այցելել է Նախիջևանի հետ սահման
Քաղաքականություն
19.07.2023 | 21:59
Իրանի ԶՈՒ Գլխավոր շտաբի պետ, գեներալ Մոհամեդ Բաղերին երկրի հյուսիս-արևմուտքում գտնվող սահմանամերձ շրջաններ կատարած այցի ժամանակ հայտարարել է, որ այսօր այցելել են Իրանի և Նախիջևանի Ինքնավար Հանրապետության սահմանային շրջաններ, գրում է Մեհր գործակալությունը։
Բաղերին սահմանային շրջաններում եղել է Իրանի Իսլամական Հանրապետության բանակի հրամանատարի և մի խումբ պատգամավորների ու հրամանատարների հետ։
Նա նշել է, որ այդ հատվածներում տեղակայված են Իսլամական Հանրապետության ոստիկանության հրամանատարի սահմանապահ ստորաբաժանումները, ինչպես նաև ստորաբաժանումներ՝ սահմանային անվտանգություն հաստատելու և երկրի սահմանները պաշտպանելու ու իրենց առաջադրանքները կատարելու համար։
Կարևորելով բարիդրացիության սկզբունքը և հարևան երկրների հետ հարաբերությունների զարգացումը՝ Բաղերին ասել է. «Բարեբախտաբար, մեր հարաբերություններն Ադրբեջանի հետ զարգանում են, և մենք որևէ խնդիր չունենք սահմանների և անվտանգության հարցերում»։
Նա նաև հավելել է, որ «սահմանին և ցանկացած վայրում, եթե հարձակում լինի երկրի սահմանների կամ շահերի դեմ, զինված ուժերը հզոր պատասխան կտան»։
Էմմա Չոբանյան
