08.10.2026 | 12:02
ՌԴ-ն զանգվածային հարված է հասցրել Ուկրաինային․ տասնյակ զոհեր կան
Ֆրանսիայում ավելի քան 740 մարդ բանտարկության է դատապարտվել անկարգություններին մասնակցելու համար
Քաղաքականություն
19.07.2023 | 21:12
Ֆրանսիայում հունիսի վերջին և հուլիսի սկզբին տեղի ունեցած անկարգությունների գործերով կայացվել է 1,278 դատական որոշում՝ 95% մեղադրական եզրակացության պարագայում։ Այս մասին հայտարարել է Ֆրանսիայի արդարադատության նախարար Էրիկ Դյուպոն-Մորետին RTL ռադիոկայանի եթերում, գրում է Ինտերֆաքսը։
Նա նշել է, որ 1056 մարդ դատապարտվել է ազատազրկման, այդ թվում՝ 742-ը՝ իրական ազատազրկման, 600 դատապարտյալ արդեն ուղարկվել է կալանավայրեր։
Հունիսի 27-ին Փարիզի Նանտեր արվարձանում 17-ամյա դեռահասը սպանվել էր ոստիկանական գնդակից՝ մեքենան հսկելու համար կանգնեցնելու պահանջին չենթարկվելուց հետո։ Դրանից հետո ամբողջ երկրում անկարգություններ են գրանցվել, որոնք ուղեկցվել են ջարդերով ու հրկիզումներով, ոստիկանների ու ժանդարմների վրա հարձակումներով։
Խռովարարների հետ բախումներից տուժել է մոտ 250 իրավապահ։ Ֆրանսիական լրատվամիջոցները գրել են, որ այս անկարգությունները երկրում ամենախոշորն են 2005 թվականի աշնանային անկարգություններից հետո։
Մեկ շաբաթ անց անկարգությունների ինտենսիվությունը սկսեց նվազել, սակայն իշխանությունները շարունակում էին պահպանել ուժեղացված զգոնությունը, հատկապես՝ հուլիսի 14-ի ազգային տոնին ընդառաջ:
Տաթև Ֆռանգյան
