06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Ադրբեջանն ու Վրաստանը քննարկել են ռազմական ավիացիայի և հակաօդային պաշտպանության ոլորտում համագործակցության հեռանկարները
Քաղաքականություն
19.07.2023 | 22:21
Ադրբեջանի պաշտպանության փոխնախարար, ռազմաօդային ուժերի հրամանատար, գեներալ-լեյտենանտ Ռամիզ Թաիրովը հանդիպել է պաշտոնական այցով Բաքվում գտնվող Վրաստանի պաշտպանության ուժերի հրամանատարի տեղակալ, գեներալ-մայոր Զազա Չխաիձեի գլխավորած պատվիրակությանը։
«Հանդիպման ընթացքում հատկապես ընդգծվել է ռազմական ավիացիայի և հակաօդային պաշտպանության ոլորտում Ադրբեջանի և Վրաստանի միջև համագործակցության զարգացման կարևորությունը»,- նշվում է ադրբեջանական կողմի տարածած հաղորդագրության մեջ։
Հանդիպմանը նաև մտքեր են փոխանակվել տարածաշրջանում խաղաղության և անվտանգության ապահովման, համատեղ ռազմական համագործակցության զարգացման հեռանկարների և փոխադարձ հետաքրքրություն ներկայացնող այլ հարցերի շուրջ։
Էմմա Չոբանյան
