06.06.2026 | 11:21
ԿԸՀ-ն բավարարել է պատգամավորի 6 թեկնածուի անձեռնմխելիությունից զրկելու միջնորդությունը. նրանց ձերբակալելու որոշում է կայացվել
Զախարովան նշել է հացահատիկային գործարքի քննարկմանը վերադառնալու պայմանը
Քաղաքականություն
19.07.2023 | 14:06
ՄԱԿ-ը ևս երեք ամիս ունի Ռուսաստանի հետ հացահատիկի և պարարտանյութերի արտահանման վերաբերյալ հուշագիրն իրագործելու համար։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՌԻԱ Նովոստին։
«ՄԱԿ-ն ունի երեք ամիս ժամանակ՝ կոնկրետ արդյունքների հասնելու համար»,- նշել է նա՝ հավելելով, որ միայն այդ դեպքում Մոսկվան կվերադառնա հացահատիկային գործարքի քննարկմանը։
Նշենք, որ հացահատիկային գործարքի ժամկետը լրացել է հուլիսի 17-ին, և Մոսկվան հրաժարվում է երկրաձգել այն։ Կրեմլից հայտնել են գործարքից դուրս գալու մասին։
Սևծովյան հացահատիկային գործարքը կնքվել է 2022 թվականի հուլիսի 22-ին ՄԱԿ-ի, Թուրքիայի, ՌԴ-ի և Ուկրաինայի միջև՝ Սև ծովի Ուկրաինայի նավահանգիստներով ուկրաինական հացահատիկի անվտանգ արտահանման համար։ Ստորագրումից ի վեր գործարքն արդեն մի քանի անգամ երկարաձգվել է։
Էմմա Չոբանյան
