16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Գիշերն Ուկրաինան հրթիռային հարձակման է ենթարկվել․ Ուկրաինայի ԶՈւ
Քաղաքականություն
19.07.2023 | 12:41
Ուկրաինական ԶՈւ օդուժի զեկույցի համաձայն՝ երեքշաբթի լույս չորեքշաբթի գիշերը ՌԴ-ն գրոհել է Ուկրաինան հարավային ուղղությամբ՝ օգտագործելով ցամաքային և ծովային բազավորմամբ թևավոր հրթիռներ, ինչպես նաև իրանական Shahed-136/131 տեսակի հարվածային ԱԹՍ-ներ։
Ուկրաինացի զինվորականները հայտնում են, որ հարձակման են ենթարկվել կարևոր ենթակառուցվածքների և ռազմական օբյեկտներ, որոնց հիմնական թիրախն Օդեսան է եղել:
Ուկրաինայի զինված ուժերի «Հարավ» օպերատիվ հրամանատարությունը հայտնել է անցած գիշեր ռուսական զանգվածային գնդակոծության հետևանքով տուժած խաղաղ բնակիչների մասին։
Հրամանատարության տվյալներով՝ Օդեսայի մարզում տուժել է առնվազն 12 խաղաղ բնակիչ, այդ թվում՝ 9 տարեկան երեխա։ Խերսոնում մեկ խաղաղ բնակիչ է վիրավորվել:
Օդեսա քաղաքում էլ երեք խաղաղ բնակիչ է վիրավորվել հրթիռակոծության հետևանքով։ Վեց մարդ վիրավորվել է հրթիռների և անօդաչու սարքերի խոցելու հետևանքով պայթյունի ալիքներից, ևս երեքը՝ Օդեսայի շրջանի այլ բնակավայրերում, որտեղ հրդեհներ են սկսվել հարվածների և բեկորների ընկնելու հետևանքով, ասվում է «Հարավ» օպերատիվ հրամանատարության ֆեյսբուքյան էջի հաղորդագրությունում։
