24.11.2024 | 18:04
Թբիլիսիում կանայք երթ են անցկացնում․ պահանջում են Բիձինա Իվանիշվիլիի հրաժարականը
Ղրիմի իշխանությունները տարհանում են այրվող զինամթերքի պահեստի մոտ գտնվող չորս բնակավայրերի բնակիչներին
Քաղաքականություն
19.07.2023 | 11:42
Ղրիմի ռուսական իշխանությունների ղեկավար Սերգեյ Աքսյոնովը հայտարարել է, որ չորս բնակավայրերի 2000 բնակիչներ տարհանվելու են թերակղզու արևելքում գտնվող զորավարժարանի շրջակա տարածքներից, գրում է BBC-ի ռուսական ծառայությունը։
Նշվում է, որ Ղրիմի արևելյան Կիրովսկի շրջանի ուսումնավարժարանում ռուսական բանակի զինամթերքի պահեստում հրդեհ և պայթյուններ են։
Ավելի վաղ հաղորդվել էր, որ Ղրիմի արևելյան հատվածում՝ ռուսական բանակի խորքային թիկունքում, զինամթերքի պահեստ է այրվում և պայթում։ Telegram ալիքներն առաջինն են հաղորդել պայթյունի և հրդեհի մասին. հրապարակվել են երեք տարբեր տեսանյութեր, որոնցից երկուսում հստակ երևում են մեծ հրդեհ և «կայծեր», որոնք թռչում են պայթյունների վայրից, հավանաբար՝ հրթիռային զինամթերքի պայթյունի հետևանքով։
Ղրիմի ղեկավար Սերգեյ Աքսյոնովը հաստատել էր թերակղզու արևելքում գտնվող զինամթերքի պահեստում բռնկված հրդեհի մասին տեղեկությունը՝ հայտնելով Տավրիդա մայրուղու արգելափակման մասին՝ «Կիրովի շրջանի ուսումնավարժարանում բռնկված հրդեհի պատճառով»։
Տաթև Ֆռանգյան
