27.06.2026 | 01:34
5.5 մլրդ դոլար. աշխարհի ամենաթանկ ստադիոնում ԱՄՆ-Թուրքիա հանդիպման ետնաբեմը Factor TV-ի թղթակցի աչքերով
Ղրիմում զինամթերքի պահեստ է այրվում
Քաղաքականություն
19.07.2023 | 11:02
Ղրիմի արևելյան հատվածում՝ ռուսական բանակի խորքային թիկունքում, զինամթերքի պահեստ է այրվում և պայթում։ BBC-ի ռուսական ծառայությունը հայտնում է, որ Telegram ալիքներն առաջինն են հաղորդել պայթյունի և հրդեհի մասին. հրապարակվել են երեք տարբեր տեսանյութեր, որոնցից երկուսում հստակ երևում է մեծ հրդեհ և «կայծեր», որոնք թռչում են պայթյունների վայրից, հավանաբար՝ հրթիռային զինամթերքի պայթյունի հետևանքով։
Ըստ «Կրիմսկի վետերի», որը հղում է անում տեղի բնակիչներին, երեք թռիչք է եղել, այսինքն՝ հրթիռներով կամ անօդաչու թռչող սարքերով հարվածներ են հասցվել պահեստին, որը գտնվում է թերակղզու արևելքում Հին Ղրիմ քաղաքի մոտակայքի զորավարժարանում:
Այս զորավարժարանից մինչև առաջնագծի մոտակա կետն առնվազն 230 կիլոմետր է։
Ղրիմի ղեկավար Սերգեյ Աքսյոնովը հաստատել է թերակղզու արևելքում գտնվող զինամթերքի պահեստում բռնկված հրդեհի մասին տեղեկությունը։ Նա Telegram-ում կարճ գրառմամբ հայտնել է Տավրիդա մայրուղու արգելափակման մասին՝ «Կիրովի շրջանի ուսումնավարժարանում բռնկված հրդեհի պատճառով»։
Տաթև Ֆռանգյան
