24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
Վառելիքի սղության պատճառով խնդիր է դարձել նույնիսկ տեղական գյուղմթերքը բնակիչներին հասցնելը. Գեորգի Հայրիյան
18.07.2023 | 23:15
Արցախի Հանրապետության Կառավարությունը՝ ի դեմս Գյուղատնտեսության նախարարության, փորձում է բոլոր միջոցներով կանգնել գյուղացու կողքին օրվա հացի ու գյուղմթերքի արտադրության գործում, սակայն այդ աշխատանքը գնալով ավելի է ծանրանում:
«Արցախպրես»-ի հաղորդմամբ՝ այս մասին հուլիսի 18-ին տված հարցազրույցում ասել ԱՀ Գյուղատնտեսության նախարար Գեորգի Հայրիյանը՝ հավելելով, որ հունիսի 15-ից առաջացած խնդիրների պատճառով ստիպված են ըստ առաջնահերթության կազմակերպել գյուղատնտեսական աշխատանքները:
Նախարարն այդպիսի առաջնահերթությունների շարքին է դասում ցորենի բերքահավաքը, որի միջոցով կլուծվի հացի խնդիրը:
Նրա խոսքով՝ հանրապետության շրջաններում առկա է բավարար քանակի բանջարեղեն, սակայն տրանսպորտային վառելիքի պակասի պատճառով խնդիր է դարձել այն սպառողին հասցնելը:
«Վառելիքի ունեցած պաշարով փորձել ենք մասնակիորեն իրականացնել խոտի մթերման աշխատանքներ և բանջարեղենի մշակություն։ Իրականացված աշխատանքների շրջանակում ուշադրության կենտրոնում էր բնակչության պարենային ապահովվումը։ Սակայն շատ ուղղություններ՝ ինչպիսիք օրինակ այգեգործությունն ու մեղվապահությունն են, ուշադրության դուրս են մնացել: Գնալով մեծանում է այն ֆերմերների շարքը, որոնց չենք կարողանում աջակցել»,-նշել է Գ. Հայրիյանը՝ հավաստիացնելով, որ կենտրոնացված ձևով փորձում են խնդիրներին լուծում տալ և արտադրված գյուղմթերքը հասցնել բնակիչներին։
