02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
ՌԴ-ն ուժեղացրել է Եգիպտոսից ժամանած չվերթների սանիտարական վերահսկողությունը՝ անհայտ հիվանդության պատճառով
Քաղաքականություն
17.07.2023 | 23:06
Ռոսպոտրեբնադզորն ուժեղացրել է սանիտարական և կարանտինային հսկողությունը Եգիպտոսից ժամանող թռիչքների համար՝ այնտեղ հայտնաբերված անհայտ հիվանդության պատճառով։ Գերատեսչությունում հայտնել են, որ հիվանդության ախտանիշները նման են դենգեի տենդին։ Ռոսպոտրեբնադզորը համագործակցում է եգիպտական կողմի և միջազգային կազմակերպությունների հետ՝ հիվանդության բնույթի և դրա տարածման ռիսկերի մասին տեղեկություններ ստանալու համար, գրում է Կոմերսանտը։
«Ռոսպոտրեբնադզորը հիշեցնում է Եգիպտոսում իրենց հանգիստը պլանավորող զբոսաշրջիկներին նախազգուշական միջոցներ ձեռնարկելու անհրաժեշտության մասին՝ հագնել մաշկը հնարավորինս ծածկող հագուստ, օգտագործել միջատասպան և միջատներին վանող միջոցներ, փակ տարածքներում՝ ցանցապատել պատուհաններն ու դռները»,- ասվում է գերատեսչության տարածած հաղորդագրությունում։
Հիշեցնենք, որ Եգիպտոսի Առողջապահության նախարարությունն այսօր հայտնել է Էլ Ալիկաթ գյուղում անհայտ հիվանդության դեպքերի մասին։
Տաթև Ֆռանգյան
