15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Մեծ Բրիտանիան ՌԴ-ի դեմ նոր պատժամիջոցներ է սահմանել․ ցուցակում մի շարք ռուս նախարարներ կան
Քաղաքականություն
17.07.2023 | 18:28
Մեծ Բրիտանիան թարմացրել է ՌԴ-ի դեմ պատժամիջոցների ցուցակը՝ դրանում ներառելով նոր անձանց։ Նրանց թվում են նաև ռուս պաշտոնյաներ, որոնք, ըստ բրիտանական իշխանությունների, ներգրավված են ուկրաինացի երեխաների տեղահանման գործում, գրում է Meduza-ն։
Պատժամիջոցների ցուցակում է հայտնվել ՌԴ կրթության նախարար Սերգեյ Կրավցովը։ Ըստ բրիտանական իշխանությունների՝ Կրավցովը մասնակցել և աջակցել է «ուկրաինացի երեխաների բռնի տեղահանման և վերակրթության ռուսական կառավարության ծրագրին»։ Ցուցակում է նաև մշակույթի նախարար Օլգա Լյուբիմովան, որն «աջակցում և խթանում է քաղաքականությունն ու գործողությունները», որոնք ապակայունացնում են իրավիճակն Ուկրաինայում կամ սպառնում են նրա տարածքային ամբողջականությանը և ինքնիշխանությանը։
Բացի այդ, պատժամիջոցներ են սահմանվել RT-ի նախկին աշխատակից Անտոն Կրասովսկու, Կամչատկայի և Ադիգեայի նահանգապետերի, Ղրիմում «Արտեկ» մանկական կենտրոնի նկատմամբ։
Էմմա Չոբանյան
