06.06.2026 | 10:42
«Պիտի մինիմում մե 10 ձեն բերե». ՀԿԿ-ն նոր գաղտնալսում է հրապարակել
Եգիպտոսի ԱՆ-ն հայտնել է Էլ Ալիկաթ գյուղում անհայտ հիվանդության դեպքերի մասին
Քաղաքականություն
17.07.2023 | 16:59
Եգիպտական Էլ Ալիկաթ գյուղի բնակիչների մոտ անհայտ հիվանդության ախտանիշներ են ի հայտ եկել, հայտնել են Եգիպտոսի Առողջապահության նախարարությունից։ Ախտանշաններից է բարձր ջերմությունը, ոսկորների ցավը, փսխումն ու գլխապտույտը։
Կոմերսանտի հաղորդմամբ՝ առայժմ ոչ ոք չի հոսպիտալացվել։
Գյուղը գտնվում է Կահիրեից հարավ՝ Քենա գավառում։ Ըստ տեղական լրատվամիջոցների՝ 200-ից 1000 գյուղացիներ բողոքում են չբացահայտված հիվանդության ախտանշաններից: Բժիշկներով մոտ 50 մեքենա է ուղարկվել գյուղ, որտեղ խմելու ջրի նմուշներ են վերցվել։
Հիվանդների բողոքներն ուսումնասիրելու համար բրիգադներ են ուղարկվել՝ կանխարգելիչ և բժշկական օգնություն ցուցաբերելու, ինչպես նաև համաճարակաբանական հսկողություն իրականացնելու համար։ Հիվանդներից վերցվել են թեստեր, հայտնել է Եգիպտոսի Առողջապահության նախարարությունը։
Տաթև Ֆռանգյան
